बारा जिविसमा भ्रष्टाचार भएको मुद्दामा स्थानीय विकास अधिकारी (एलडीओ) मुरारी नेपाल र इन्जिनियर मेघु साह यतिबेला जेलमा छन् । जिल्लाका ११ सभासद्को समेत करिब १ करोड ४५ लाख जिविसको रकम हिनामिना गरेको आरोपमा विशेष अदालतले सजाय तोकेपछि नेपाल र साहले धरौटीमा छुट्न खोजे पनि अनुमति नपाउ“दा जेल बस्नु परेको हो । यस मुद्दामा माओवादीका भट्टराईपक्षीय निवर्तमान इन्चार्ज चौलागाईसहित १९ दलका जिल्ला नेताहरू तानिएका छन् भने २२ कर्मचारीले पनि मुद्दा खेपिरहेका छन् । यसरी मुद्दा लागेपछि शुक्रबारमात्रै पार्टीले चौलागाईलाई हटाएर संस्थापन पक्षका सभासद् जयराम दहाललाई इञ्चार्ज तोकेको हो । तर, चौलागाईले भने आफूमाथि प्रचण्ड पक्षले षड्यन्त्र गरेको भनी प्रधानमन्त्रीस“ग गुनासो गर्दै यसलाई लाइन संघर्षसित जोडेका छन् । प्रधानमन्त्रीले उनलाई बचाउन लागि पर्ने आश्वासन दिएको स्रोत बताउ“छ ।