कांग्रेसका तर्फबाट सरकारको नेतृत्व गर्ने सम्भावित टोलीनेतामा कृष्णप्रसाद सिटौलाका अतिरिक्त प्रकाशमानसिंह र डा. रामशरण महतको पनि चर्चा चलेको थियो । सुजाताले पनि सरकारमा जाने माग अवश्यै गर्लिन् भन्ने धेरैलाई लागेको थियो । तर, प्रकाशमानले सुरुमै भनिहाले, ‘म यो सरकारमा जान्न, जेठमा बन्ने अर्काे सरकारमा चाहि“ जान्छु ।’ महतको पनि भित्री इच्छा त्यस्तै देखिएपछि सिटौलाका लागि बाटो त खुल्यो तर उनले प्रश्न तेस्र्याए– ‘अहिलेको सरकारमा गएपछि जेठमा बन्ने अर्काे मन्त्रिमण्डलमा सहभागी हुन पाउने कि नपाउने ?’ सिटौलाको यस्तो प्रश्न सुनेपछि सुजाता कोइरालाले सातो लिइन् ।

‘तिमीले मात्रै खानुपर्ने ? अरूलाई पालो दिनुपर्दैन ?’ सुजाताले झा“टेपछि उनी निकैबेर शिर झुकाएर लज्जित अनुहारमा बसे । अन्ततः नखाऊ“ भने दिनभरिको सिकार, खाऊ“ भने कान्छा बाबुको अनुहार भनेजस्तै अवस्थामा कृष्णप्रसाद सिटौला र सूर्यकिरण गुरुङका भागमा ३ हप्ते मन्त्री पद पर्न गयो । छोटो अवधिको सरकारमा जान इच्छुक नदेखिएकी सुजाताले पनि चुनावी सरकारमा उपप्रधानमन्त्री दाबी गर्नु स्वाभाविक छ । चुनावी सरकार लामो र आकर्षक भएकाले उपसभापति गोपालमान, महामन्त्री प्रकाशमान, सबैले यसमा रहर गरेका छन् । त्यसबेला प्रधानमन्त्रीमा शेरबहादुर देउवा जाने कि रामचन्द्र पौडेल भन्ने विवाद पनि कांग्रेसमा अवश्यै बढ्नेछ । सुजाताले त अहिल्यै भनिसकेकी छन्– भावी प्रधानमन्त्री रामचन्द्र पौडेलजी नै बन्नुहुन्छ । उता पौडेल र देउवाबीच विवाद नमिले सुशील कोइराला आफैं प्रधानमन्त्री हुनुपर्छ भन्ने माग गर्ने कांग्रेस नेता पनि छन् ।