उता दिउँसोसम्म प्रचण्ड र बाबुरामसमक्ष म्याद थपिएमा राजीनामा दिन्छु भनिरहेका सिटौला आफैंले साँझ परेपछि तीन महिना म्याद थप्ने प्रस्ताव संसद् सचिवालयमा दर्ता गराउनासाथ कांग्रेस सभापति सुशील कोइरालाले त्यसप्रति विरोध जनाएपछि सिटौला अप्ठ्यारोमा परेका छन् । संविधान घोषणा पनि नहुने र यस्तो पृष्ठभूमिमा १४ गते संविधानसभाको अप्राकृतिक अवसान हुने स्थितिमा त्यसले स्वतः व्यवस्थापिका संसदको रुप लिन सक्दैन । संविधान जारी भएपछि मात्र संविधानसभा संसदमा परिणत हुने कानुनी व्यवस्था छ । म्याद थपका निम्ति प्रस्ताव दर्ता गरिए तापनि संसद जोगाउन सहमति खोजिने र मिलेका बुँदाहरु सहितको प्रारम्भिक मस्यौदा जारी गरिने सम्भावना उत्तिकै छ ।