Jana Aastha National Weekly, Corporate Office: Dillibazar-32, Kathmandu Nepal, GPO Box : 6630, Phone: 977-01-4442552, Fax: 977-01-4435754, Email:jana.aastha@gmail.com
JANA AASTHA National Weekly
हली-पत्रकार !
भोजपुरबाट तराईतिर झरेको यो भाइ, पत्रकारिता गर्ने यिनको नाम राजेश राई । वर्खा लाग्या छैन, दुःख द्याछन् गोरुलाई, हलो जोत्या देखिया'थेन सर्ट र प्यान्ट लगाई ।
रक्सीले ज्यान खायो
रक्सी मैले खाको हो कि, रक्सीले ज्यान खायो, लखतरान मूलबाटोमै कस्तो नशा लायो । घर प्यारो, सन्तान प्यारो- त्यो भन्दा झोल प्यारो, लाज शरम पचाइहाल्ने कस्तो दिन आयो ?
मादल मात्रै ठोक्ने ?
मादल मात्रै ठोक्ने कि चुनावको तिथिमिति पनि तोक्ने ?
पाल्नैपर्‍यो लालाबाला !
श्रम गरी खानै पर्‍यो पाल्दै लालाबाल, यसैगरी हाम्रो जीवन कहाँसम्म जाला, दुखियालाई सुख छैन जसो गर्दा पनि, यो सरकारको पनि हजुर राम्रो छैन चाला
पाप छैन मनमा...!!
धुन्चेतिर हाँस्दै, खेल्दै हाम्रा केटाकेटी, भर्खर शहर छिरेँ हजुर यिनलाई भेटी- कति निश्छल हाँसो यिनको पाप छैन मनमा, काफल पाक्ने, चरी नाच्ने बेला आयो वनमा
Advertisement
 
  Current Info
आचार संहिता लाग्ने दिन ७ गते छल्न दौडधुप
घिमिरे बन्धुहरुद्वारा ग्रिहमा बसेर भर्खरै नेपाल प्रहरीको एसएसपीमा ठाकुरराम बर्तौला,पुष्प रन्जित,ज्ञानविक्रम शाह,शरद् चन्द,श्याम खत्री,पवन खरेल,बलराम शर्मा,धिरु बस्नेत,मनोज न्यौपानेको बढुवा ! राम्रो काम गरेवापत पुष्कर कार्की,बिक्रम थापा सडकमै,प्रेम चन्द,श्याम खड्का,दिपक थापा पनि अवसरबाट बन्चित !
  समाचार अपडेट
पोखरा । पूर्वमुख्यसचिव लोकमानसिंह कार्कीलाई जनआकांक्षाविपरीत अख्तियार दुरुपयोग अनुसन्धान आयोगको प्रमुख नियुक्त गर्दा आएको विरोधबाट छलिन र मुड फ्रेस गर्न पोखरा पुगेका एमाओवादी अध्यक्ष पुष्पकमल दाहालले आफ्नै छोराद्वारा परित्यक्त बुहारी सिर्जना त्रिपाठी र नाति प्रसिद्ध दाहालसँग भेट गरेका छन् । प्रकाशले सिर्जनामाथि सौता हालेर बीना मगरसँग बिहे गरेपछि लामो समयदेखि सिर्जना कास्कीको हेम्जास्थित माइतीमा बस्दै आएकी छन् ।
काठमाडौं । शनिवार एकाविहानै कागं्रेस सभापति सुशिल कोइरालालाई एमाओवादी अध्यक्ष प्रचण्डले फोन गरे र भने, 'लौ अब टुङ्गयाईदिऊ ।' त्यसअघि नै कोइराला चार राजनीतिक दलको उच्चस्तरीय समितिको बैठक राखी पूर्वमुख्यसचिव लोकमानसिंह कार्कीलाई अख्तियार दुरूपयोग अनुसन्धान आयोगको प्रमुख बनाउने निणर्यबारे सलंग्न दलहरूबीच छलफल चलाउने निणर्यमा पुगिसकेका थिए ।
काठमाडौं । मन्त्रालयमा मन्त्री र सचिवबीच तालमेल नमिल्ने कुरा नौलो होइन । त्यसको कारण हो, मन्त्री राजनीतिक स्वार्थ लाद्न खोज्ने, सचिव प्रशासनिक विधिसँग चल्न खोज्ने । अहिलेका अर्थमन्त्री शंकर कोइराला ऊर्जासचिव छँदा तत्कालीन मन्त्री प्रकाशशरण महतसँग चलेको अन्तर्द्वन्द्वको कथा उति पुरानो भइसकेको छैन । तर, अहिले सरकारको संरचना फरक छ । पहिलाका सचिवहरू मन्त्री छन् । यस्तोमा अहिलेका र पहिलेका सचिवबीचको 'सेन्टिमेन्टल अट्याचमेन्ट' कारण कामको परिणाम पनि त्यहीअनुसार आउने अनुमान हुनु ठिकै हो । तर, एउटा मन्त्रालयमा अहिले मन्त्री र सचिवबीच यति ठूलो मारामारी छ, सक्दा एकले अर्कोलाई सिध्याउन पछि नपर्ने स्थित छ ।
 
  प्रमुख समाचार
काठमाडौं । 'आजै गर्ने कि पर्खिने ?' गृहमन्त्री माधव घिमिरेले मन्त्रिपरिषद्का अध्यक्ष खिलराज रेग्मीसँग सोधेका मात्र के थिए, जवाफ पाइहाले, 'रोक्ने अवस्था छैन, अब निर्णय गरौँ ।' प्रसंग हो, उही बहुचर्चित अख्तियार प्रमुखमा लोकमानसिंह कार्कीको नियुक्ति । संवैधानिक परिषद्को बैठकले लोकमानको सिफारिस गर्नुअघि खिलराजका दुक्का भनी चिनिने गृहमन्त्री माधव घिमिरे र मुख्यसचिव लीलामणि पौडेलसँग पनि उनी उति राम्रोसँग बोलिरहेका थिएनन् ।
काठमाडौं । आममानिसलाई लाग्दो हो हेटौंडा महाधिवेशनबाट एमाओवादी एकढिक्का भयो । तर, सदियौंदेखि चलेको नेपाली टुक्का चर्केको हाँडी कहिल्यै जोडिँदैन कसरी असत्य सावित हुन्थ्यो । अहिले पनि प्रचण्ड-बाबुरामबीचको राजनीतिक टक्कर र एकअर्कालाई कमजोर बनाउने दाउपेच अर्को पक्षको नेतालाई सिध्याउने तहसम्मको हुने गरेको छ । एक अर्काको कमजोरी समातेर मार हान्ने खेलकै कारण केही अघिसम्म सबभन्दा बलिया ठानिएका नेता केही पछि नै गुमनामको अवस्थामा पुग्ने गरेका छन् ।

प्रसंग भट्टराईका सबभन्दा निकट गंगा श्रेष्ठ र दाहालका अत्यन्तै विश्वासपात्र राजन दाहालबीचको शक्तिसंघर्ष र यसमा भट्टराई र दाहालको प्रत्यक्ष संलग्नताको हो । भट्टराई प्रधानमन्त्री भएकै बेला सिन्धुली सदरमुकाममा वाइसिएको क्याम्प राखी जिल्लाभरका विकास निर्माण, ठेक्कापट्टा, कार्यालयका योजना, वन, जिविस, गाविस तथा यातायातमा प्रभाव छाडेका राजनको निर्देशनमा अर्को कुटपिटको घटना घट्यो । यो पनि जिल्लामा घटाइने अन्य हानमारका घटनाजस्तै राजनीतिक आवरणमा गुण्डागर्दी गरी पैसा कमाउने मेसो नै थियो ।

काठमाडौं । आफ्ना उम्मेदवारलाई चुनाव जिताउन भन्दै चिनियाँ व्यापारीसँग ५० करोड रुपैयाँ सहयोग मागेको टेलिफोन विवरण बाहिर आएपछि फस्र्ट बेन्चमा बसेर राजनीति गरिरहेका एमाओवादी नेता कृष्णबहादुर महरा एकाएक लास्ट बेन्चमा पुगे । महरा र चिनियाँ व्यापारीबीचको टेप सार्वजनिक काण्डमा भारतीय दूतावासले सक्रिय पहल लिएको पहिल्यै सार्वजनिक भइसकेको छ । तिनै भारतले नरुचाएका नेता भनेर चिनिएका महरालाई लिएर प्रचण्ड किन भारत गए होला भन्ने विषयमा धेरैमा कुतूहलता छ ।

चीनको भ्रमण सकाएर भारत भ्रमणमा निस्कँदा सबैको आँखामा प्रचण्ड मात्रै थिए । उनीसँगै गएका संगठन विभाग प्रमुख कृष्ण बहादुर महराबारे कसैले ख्याल गरेन र उनी पनि उति चर्चामा रहेनन् । तर, त्यसरी भारतले नै मन नपराएका महरालाई प्रचण्डले सँगै लैजानु भित्री कुरो भने रोचक देखिन्छ । भारतसँग सम्बन्ध विस्तार गर्न मरिहत्ते गरेर लागेका प्रचण्डले आफ्नै योजनामा भारतले नरुचाएको भनिएका महरालाई साथै लिएर भारत जाने कुरै थिएन । उसै पनि भारत भ्रमणको मिति तय नभएकाले चिनियाँ राष्ट्रपतिले चीन भ्रमणका लागि दिएको निम्तो एक महिनासम्म त्यत्तिकै तामेलीमा राखिदिएका थिए ।

काठमाडौं । बुधबार २२४औँ अन्तर्राष्ट्रिय मजदुर दिवस । कारखाना तथा विभिन्न सेवा क्षेत्रमा काम गर्ने मजदुरहरूको हक अधिकारका लागि मजदुरहरूले विद्रोह गरेको दिनको सम्झनामा मनाइँदै आएको कामदारहरूको पर्व । नेपालमा पनि मजदुरहरू, त्यसमा पनि वामपन्थी दलनिकट मजदुरहरूले काम, दाम र मामको नारा उठाउँदै मे दिवस मनाउने गरेका छन् । यसो गर्नेमा आफूलाई सर्वहारा मजदुरहरूको मुक्तिदाता दाबी गर्ने एमाओवादीसम्बद्ध मजदुर युनियन सबैभन्दा अगाडि छ । तर, त्यही एमाओवादीसम्बद्ध मजदुर युनियनका हाकिमहरूले तल्लो तहका मजदुरलाई पार्टीको नाममा गरेको चर्को शोषण र भ्रष्टाचारको समाचार मे दिवसकै दिन सार्वजनिक गर्नुपर्ने गरी जनआस्थालाई प्राप्त भएको छ ।
काठमाडौं । समाचार ताजै छ कि, राष्ट्रपति डा. रामवरण यादव छुट्टी मनाउन आफ्नै गाउँ गए, फर्किए । तर, एउटा ठूलो विपत्तिबाट राष्ट्रपतिसहितको टोली जोगिएको समाचार भने अहिलेसम्म गुपचुप नै राखिएको छ । नेपाली आकाश प्राकृतिक र प्राविधिक दुबै दृष्टिले खतरापूर्ण रहेको चर्चा बेला-बेलामा हुने गरेको छ । प्रकृतिले साथ दिए पनि हामीले प्रविधिका कारण त्यस्तो विपत्तिको खबर सुन्नु नपरेको हो । कुरा राष्ट्रपति यादव छुट्टी मनाउन गृहजिल्ला घनुषाका लागि प्रस्थान गरेकै दिन, वैशाख ९ गते सोमबारको हो ।

त्यसदिन राष्ट्रपति नेपाली सेनाको भिभिआइपी फ्लाइटबाट जर्नेल रवि शाहको कमान्डमा बिहान ११ बजे काठमाडौं विमानस्थलबाट उडे । जहाजले ८ हजार मीटरको उचाइ लिइसकेपछि विपरीत दिशाबाट बुद्ध एयरको एउटा जहाज काठमाडौं विमानस्थलतर्फ आउँदै गरेको दृश्य भिज्युवल फ्लाइट रुल -भिएफआर) ले देखायो । सामान्यतया आकाशमा यसरी दुई जहाज आमनेसामने हुने घटना बिरलै हुन्छन् । यदि, त्यसरी दुई जहाज एउटै रुटमा पुग्ने अवस्था आयो भने विमानस्थलको राडरले दुबैलाई पहिल्यै सचेत गराइसकेको हुन्छ र अनुकूलताअनुसार उनीहरूले उड्डयन दिशा र गति परिवर्तन गर्छन् । तर, विनासूचना बुद्ध एयरको जहाज अगाडि देखेपछि सेनाका प्राविधिक छक्क मात्रै परेनन्, एकछिन त के होला-के होला भनेर आपत्तिए पनि । गल्ती रहेछ, बुद्ध एयरको । सेनाले बुद्धलाई अगाडि देखेपछि हत्तपत्त राडरसँग सम्पर्क गर्‍यो । राडरले बुद्धलाई सचेत गरायो । सेनाको जहाजले उचाइ घटायो र बुद्धले उचाइ बढायो । एक उड्डयनविद्का अनुसार यसरी तल र माथि गरेर पास हुनु अर्को जोखिमपूर्ण उडान हो । तर, जोखिम नै सही, त्यही दिनको विपत्ति यसरी नै टर्‍यो ।

काठमाडौं । फेरि एकजना उच्चपदस्थ भारतीय जासुस नेपालको पछिल्लो राजनीतिक घटनाक्रमसँग साक्षात्कार गर्न काठमाडौं ओर्लिएका छन् । चार दिनको भ्रमण तालिकासहित आएका उनले औपचारिक रुपमा मन्त्रिपरिषद्का अध्यक्ष खिलराज रेग्मी र प्रधानसेनापति गौरवशमशेर राणासँग मात्र भेट्ने भनिए पनि असंख्य अनौपचारिक भेटघाटको तालिका लैनचौरस्थित भारतीय दूतावासले बनाएको स्रोतले जनाएको छ ।
काठमाडौं । तपाईंलाई यति लाख डलर वा पाउन्डको चिठ्ठा पर्‍यो , बधाइ छ भन्दै कसैले इमेल वा एसएमएस सन्देश पठायो भने कस्तो लाग्छ ? भनिरहनु नपर्ला खुशीले उफ्रनु हुनेछ तर पर्खनुस् है, धेरै हौसिने काम छैन किनभने यसरी गृहसचिव नविन घिमिरेदेखि सर्वसाधारणसम्मलाई फसाएर नेपालमा नै बसिबसी अतिरिक्त आम्दानी गर्न खोज्ने विदेशीहरु दसी प्रमाणसहित समातिन थालेका छन् । नेपाल प्रहरीको सई दर्जामा कार्यरत स्टाफ नर्ससँग घरजम बसाएर सोझा नेपालीलाई मूर्ख बनाउँदै आएका नाइजेरियन फेमी इम्यानुएल अहिले हिरासतको हावा खाँदैछन् । उनले राजु श्रेष्ठको मोबाइलमा चैत २६ गते तिमीलाई दुई मिलियन डलरको चिठ्ठा पर्‍यो, बधाइ छ भनी सन्देश पठाएका थिए । नसोचेको पैसा हात लाग्ने खबरले राजु पुलकित हुनु स्वभाविकै हो ।
 
  साप्ताहिक समाचार
हेटौंडा । लोकतन्त्र प्राप्तिका लागि गरिएको जनआन्दोलन दबाउनेमध्येका एकजना नाइके कमल थापा उपस्थित कार्यक्रममा जिल्लाका लोकतन्त्र तथा गणतन्त्रवादी भनिएका नेताहरुसमेत सहभागी भए । सोमबार दिउँसो हेटौँडाको पल्पसा सभाहलमा कमल थापाको प्रमुख आतिथ्यमा भएको कार्यक्रममा जिल्लाका एमाओवादी, एमाले, कांग्रेस, राप्रपा र मालेलगायत जिल्लास्तरीय नेता सहभागी हुनुले सबैलाई चुनाव लागेको बुझ्न सकिन्थ्यो । सँगसँगै पूर्वपञ्च, माले, एमाले एउटै चौतारामा भेला भएको भनी खिल्ली उडाउनेहरू पनि थिए ।
काठमाडौं । पार्टी नै छाडेर हिँडेपछि हिँड्नेहरूको पद खाली हुने नै भयो तर हिँडिसकेका भनिएका नेतालाई फेरि केन्द्रमा ल्याउने प्रस्ताव गयो भने के होला ? एमालेमा त्यस्तै भएको छ । खाली रहेको केन्द्रीय सदस्यमा पदपूर्तिका लागि सिफारिस गर्न बसेको स्थायी समितिको बैठकले लामो विवादपछि ११ को नाम टुंगो लगायो । तर, पार्टी छाडिसकेको भनी एकजना नेताबारे कुरा उठ्दा पदपूर्तिमा पर्नुपर्ने अरू थुप्रै नेता जिल्लिएका छन् ।
काठमाडौं । सर्वहारावादी राजनीतिक धारको नेतृत्व गर्ने नेता प्रचण्डले चार्टर गरेको जहाजमा 'हुनेखाने वर्ग' को प्रतिनिधित्व गर्ने भनिएका नेता सुशील कोइरालाले लिफ्ट लिनुपर्ने मजाक वास्तविकतामा परिणत भएकै बेलाको कुरा हो, सुशीलका पिए लक्ष्मण ढकालले यस्तो बेइज्जतीको रिस बेग्लै ढंगले फेरे । 'नेपालगन्ज जानु छ, टिकट मिलाऊ' भनेर जाने अघिल्लो दिनको पनि साँझ पर्न लाग्दा सुशीलले लक्ष्मण ढकाललाई अह्राए । त्यसै पनि सिट पाउन गाह्रो काठमाडौं-नेपालगन्ज सेक्टरको टिकट आखिरी मिलेन नै र प्रचण्डसँग लिफ्ट लिनुपर्‍यो ।
काठमाडौं । एमाले पोलिटब्युरो बैठकले आगामी चुनावमा कांग्रेस र एमालेबीच लोकतान्त्रिक गठबन्धन तयार हुने निर्णय गरिरहँदा नुवाकोटमा यसको झझल्को देखिएको छ । माओवादी अध्यक्ष प्रचण्ड कांग्रेस सभापति सुशील कोइराला र एमाले अध्यक्ष झलनाथ खनालसहित तीनै दलका शीर्षस्थ नेताहरूको उपस्थिति रहने भनिएको कार्यक्रममा एमालेसम्बद्ध कर्मचारीले आयोजना गरेको भन्दै माओवादी अध्यक्ष प्रचण्ड र माओवादी पार्टी नेता अनुपस्थित रहे ।
काठमाडौं । नेताहरूले बोल्ने र लेख्ने एकथोक अनि गर्ने अर्थोक नभएको भए मुलुक यसरी घरको न घाटको बन्ने नै थिएन । प्रसंग नवगठित माओवादीको हो । गत फागुनमा माओवादीले प्रधानन्यायाधीशलाई चुनावी सरकारको नेतृत्वका लागि प्रस्ताव गरिएको विरोधमा दुईदिने नेपाल बन्द आयोजना गरेको थियो । नेताका निर्देशनबमोजिम मुलुकभर कार्यकर्ता झिसमिसेदेखि नै चोक र गौंडामा गाडी तोडफोड गर्नतिर लागे ।...
 
  नोट अफ डिसेन्ट
दिल्ली जाने बेलामा पत्रकारसँग पुष्पकमल दाहाल 'प्रचण्ड'ले, 'म राष्ट्रकै प्रतिनिधित्व गरेर भारत भ्रमणमा जाँदै छु' भन्नुभयो । त्यसो त देशबाहिर जाँदा हरेक नागरिकले राष्ट्रकै प्रतिनिधित्व गरिरहेको हुन्छ । तर, उहाँको आशय आधिकारिक प्रतिनिधित्व नै गरिरहेछु भन्ने थियो । आधिकारिक प्रतिनिधित्वका लागि सरकारले औपचारिक तवरबाटै के-के विधि, प्रक्रिया र रीत पुर्‍याउनुपर्छ भन्ने विषयमा दाहालजीलाई थाहा नभएको होइन । हाम्रा नेता (अझ विशेष गरी प्रचण्डजी) हदैसम्म 'लुजटक' गर्छन् । उनीहरू पपुलिस्ट राजनीति गर्छन् र तात्कालिकतामा चलिरहेछन् । यसअनुसार तत्कालै नापजोख, जोडघटाउ र गुणाभाग गर्‍यो, अनि दायाँ-बायाँ केही नहेरी आफूलाई फाइदा हुने कुरा प्याच्चै बोलिहाल्यो अथवा भोलिको समेत ख्याल नगरी कदम चाल्यो । तत्काल जो अगाडि पर्‍यो त्यसैको अनुकूल हुनेगरी बोल्नु उहाँहरूको अर्को रोग हो ।
- आनन्दराम पौडेल
 
  विश्व सेरोफेरो
इभान मिकोलाइभिच डेमियानिउकको जन्म युक्रेनको डुबोभी मारवारिन्त्स्कीमा भएको हो । बाबुआमा दुवै अपांग थिए । बाबु प्रथम विश्वयुद्धमा र आमा निमोनियाबाट बिकलांग बनेकी थिइन् । सन् १९२४ मा भ्लादिमिर इल्यिच लेनिनको निधन हुँदा इभान चार वर्षका थिए । जोसेफ स्टालिन सत्तारुढ भएपछिका सुरुका वर्ष जनता भोकमरीबाट पीडित भए । त्यसबेलासम्म स्कुल पनि पर्याप्त मात्रामा खुलेका थिएनन् । छोरालाई पढाउन र खुवाउन नसकेपछि इभानका बाबुले आठवटा पाउरोटी किन्न पुग्ने भाउमा घर बेचे र सबैजना रुसी सहर मस्को रवाना भए । तर, त्यहाँ लामो समय टिकेनन् । रोजगारी नपाएपछि हरेस खाई गाउँ फर्के ।
- राजेन्द्र स्थापित
सन् १४८५ मा हेनरी (सप्तम) इंग्ल्यान्डको सिंहासनमा बसे । ६ वर्षपछि एलिजाबेथले तेस्रो सन्तान र दोस्रो पुत्रका रुपमा हेनरी (अष्टम) लाई जन्म दिइन् । राजा हेनरीका जेठो छोरा आर्थर सिंहासनका उत्तराधिकारी थिए । १४ वर्षीया आर्थरको बिहे सन् १५०१ मा आरागोनकी १६ वर्षीया राजकुमारी क्याथरिनसित भयो । तर, ६ महिनापछि नै राजकुमार आर्थरको निधन रुघाखोकीको ज्वरोबाट भयो । रानी एलिजाबेथको मृत्युपछि राजा हेनरीले विधवा बुहारी क्याथरिनसँग बिहे गर्न चाहे तर आरागोन तथा नेपल्सका राजा फर्डिनान्ड र रानी इसाबेलले विरोध गरे । पत्र पठाई छोरीको बिहे राजकुमार हेनरीसित गरिदिन आग्रह गरे । लामो समयसम्मको तर्क-वितर्क र छलफलपछि राजा हेनरी बुहारी क्याथरिनको बिहे राजकुमार हेनरीसँग गरिदिन राजी भए । सन् १५०३ मा १२ वर्षीया हेनरी र १८ वर्षीया क्याथरिनबीच इन्गेजमेन्ट भयो । राजा हेनरी जीवनको अन्तिम समयसम्म पनि नयाँ रानीको खोजीमा थिए तर जति पनि महिलासँग बिहेको कुरो चलाए, प्रायः सबै क्याथरिनका बाबु फर्डिनान्डका वंश र उनको राज्यसित सम्बन्धित भएपछि सफल भएनन् । बिहे गर्न नपाएको झोंकमा सन् १५०४ को जुन २७ मा राजकुमार हेनरी र क्याथरिनको बिहे रद्द गरिदिए ।
- राजेन्द्र स्थापित
 
  शहरभित्र
एमाओवादीलाई देशको सबैभन्दा ठूलो पार्टी भनिन्छ । तर, यो पार्टीको अध्यक्ष को हो, त्यो भने अहिलेसम्म निक्र्याेल हुन सकेको छैन । कोही भन्छन्, अध्यक्ष पुष्पकमल दाहाल हुन् । कोही भन्छन्, होइन अध्यक्ष त प्रचण्ड हुन् । केही जान्ने/बुझ्नेहरूचाहिँ यसो पनि भन्छन्, अध्यक्ष त दुवै हुन् । तर, एउटा पार्टीमा दुइटा अध्यक्ष कसरी हुन सक्छ ? दुइटा (वा तीनटा पनि) त उपाध्यक्ष मात्रै हुन सक्छ ।
अख्तियार दुरुपयोग अनुसन्धान आयोगमा कमरेड लोकमानसिंह कार्कीको नियुक्तिलाई लिएर विवाद उठेको छ । विवाद मात्र होइन, मुद्दा पनि चलेको छ । विरोधीहरूको तर्क के छ भने कमरेड लोकमानसिंह कार्की आफैँ अख्तियार दुरुपयोग प्रकरणमा लागेको मान्छे हो, त्यस्तो मान्छेलाई कसरी अख्तियारको प्रमुख बनाउन मिल्छ ? वास्तवमा कमरेड लोकमानसिंह कार्की अख्तियार दुरूपयोगमा परेको सबैलाई थाहा छ । उहाँले अख्तियारको दुरूपयोग गर्नु पनि भएकै हो ।
 
 
Advertisement

  सम्पादकीय
भनिन्छ, 'चोरले चोरकै संगत रोज्छ, साधुले साधुकै' आखिर जनआन्दोलनका दोषी पूर्वमुख्यसचिव लोकमानसिंह कार्कीलाई अख्तियार प्रमुख बनाउने बाटो अदालतले खोलिदिएपछि निरंकुशतावादी र सर्वसत्तावादीहरूको गठबन्धन निर्माण हुने सम्भावना बढेको छ । लोकतन्त्रको विपक्षमा रहेक व्यक्तिहरूबीचको स्वाभाविक तालमेलले लोकतान्त्रिक मूल्य मान्यताका पक्षधरहरूमाथि अंकुश लगाउने प्रयत्न गर्ने कुरामा कुनै शंका छैन । लोकमान अख्तियार प्रमुख बनिहाले भने मुलुकले कुन दुर्गति भोग्नुपर्छ, सत्य, न्याय र लोकतन्त्रको वकालत गर्नेहरू कसरी कल्पित र झुटा मुद्दाको सिकार बनाइन्छन् त्यसको सहज अनुमान अहिल्यै गर्न सकिन्छ । ...
  जीवनको रंग
खेलौना लेखेर राजेन्द्र थापा चर्चामा छाए । पुरुषको दिमागमा स्त्रीको अंग मात्रै हुन्छ भन्ने सिग्मन्ड फ्रायडकै दर्शनमा आधारित भएर लेखिएको पुस्तकको प्रकाशनपश्चात् थापा स्पष्टीकरण दिँदै र जुहारी खेल्दैमा हैरान छन् । कहिले खगेन्द्र संग्रौलासँग जुहारी खेलिरहेका हुन्छन् त कहिले कोसँग ? उनै थापाले अखबारमा छापिएको खबर पढ्नेबित्तिकै त्यसैबाट गीत रचना गरिएको भन्दै सुनाएछन् ।

बूढो स्याल र तन्नेरी बाघबीचको भिडन्त ? हो यस्तै दृश्य देखिने भएको छ आगामी शनिबार । चलचित्र निर्देशक समाजको हुन लागेको निर्वाचनमा अध्यक्ष पदमा दिनेश डिसी र नरेश पौड्याल भिड्ने भएका छन् । कांग्रेस समर्थित नरेश पौड्याल र एमाले समर्थित दिनेश डिसीबीचको प्रतिस्पर्धालाई लिएर निर्देशकहरूबीच नै बूढो स्याल र तन्नेरी बाघबीचको प्रतिस्पर्धा भएको चर्चा चल्न थालेको छ ।
  रोचक प्रसंग
जाबो एक फुटदेखि डेढ फुट मात्र ठूलो हुने भाले हाँसको लिंग ८ देखि ९ इन्च लामो हुन्छ भन्दा पत्यार नलाग्न सक्छ तर अमेरिकाको याले विश्वविद्यालयका पन्छीविद्हरुले गरेको लामो अध्ययनअनुसार तिनीहरुको लिंग असामान्य लामो मात्र होइन, ३ सेकेन्डभित्र पूर्ण उत्तेजित हुन्छ । जाडो याममा भने संकुचित भएर एक इन्च हुन्छ । हाँस पानीमा पौडिन मन पराउँछ तर पानीमा हुँदा प्रायः पोथी हाँस सामुहिक बलात्कारको शिकार बन्ने खतरा हुन्छ ।
दक्षिणपूर्वी एसिया, विशेषतः चिनियाँहरुको बाक्लो बसोबास क्षेत्रमा कुकुर मार्नु र मासु खानुलाई सामान्य मानिन्छ । चीन र ताइवानमा कुकुर मार्ने वधशाला नै हुन्छन् । ताइवानको युलिन नगरमा अवस्थित वधशालाहरुले भने कुकुरको लिंग मासुको दाँजोमा महँगोमा बिक्री गरेको पाइएको छ । प्रहरीले छापा मार्दा एउटा वधशालाबाट ४ सय ३५ वटा लिंग फेला परेपछि नयाँ तथ्य सार्वजनिक भएको हो । लिंग मिसाएर बनाइएको रक्सी पिउँदा पुरुषमा यौनशक्ति बढ्ने र नपुंशकत्व ह्रास हुने विश्वास पारखीहरुले गर्ने रहस्य खुलेको छ ।
  पाठक पत्र
धादिङका पहिलाका डिएसपी विकास खनालसँग माओवादी नेत्री कल्पना धमलाले मोटरसाइकल माग्दा नदिएका कारण उनी जिल्ला प्रहरी प्रमुखबाट फेरिए । त्यसपछि आएका डिएसपी अशोक सिंहको अत्याचारले सीमा नाघेको छ । प्रहरी भएर एउटा पार्टीका केही लोभीपापीले भनेअनुसार फरक राजनीतिक आस्थाका व्यक्तिमाथि ज्यादती गर्न उनी उद्यत छन् । मानौँ, अशोक सिंह प्रहरीको नभई माओवादीका केही दलालीमा पल्किएका व्यक्तिका डिएसपी हुन् । हालै मैदी गाविसका भएको घटनाले उनको असलियत सार्वजनिक भएको छ ।
१६ फागुनको 'पत्रकार नामधारी अर्का पनि पक्राउ' शीर्षक समाचारप्रति हाम्रो ध्यानाकर्षण भएको छ । समाचारमा भनिएझैँ पत्रकारको भेषमा ठगीधन्दा चलाउने मुकुन्दकुमार ढुंगानाबारे प्रकाशित विवरण सत्य रहेको अवगत गराउँदछौँ । निजले न्युज २४ टेलिभिजनको नाम लिई विभिन्न व्यक्ति, व्यवसायीलाई धाक, धम्की देखाउँदै आर्थिक लाभ गर्ने गरेको गुनासोका आधारमा यस संस्थाले प्रहरीमा उजुरी दिई अनुसन्धान चलिरहेको छ । निजबाट ठगिएका व्यक्तिहरूले यस कार्यालयमा सम्पर्क गर्ने क्रम पनि बढेको छ । हामीले प्रहरीसँगको सहकार्यमा दोषीउपर प्रचलित कानुनबमोजिम कारवाही अघि बढाएका छौँ ।...
Advertisement
 
  अन्तर्वार्ता
पञ्चायतकालमा निरंकुशताविरुद्ध लड्ने वैधानिक मञ्चका रूपमा रहेका स्वतन्त्र विद्यार्थी युनियन ०४६ मा बहुदल आएसँगै खुला राजनीतिक परिवेशका कारण राजनीतिक दलहरू आफैँ आफ्नो कुरा लिएर सार्वजनिक हुने स्थिति आउनासाथ स्ववियुको भूमिका एकाएक कमजोर भएको छ । स्ववियुमा निर्वाचित भएकाहरूले भ्रष्टाचार गर्ने, विद्यार्थीमाथि दादागिरी देखाउने र गुन्डागर्दीको अखडा बनाउँदै स्ववियु कार्यालयलाई हातहतियारको गोदाम बनाउन थालेपछि वौद्धिक समुदाय स्ववियुको आवश्यकता र औचित्यबारे पूरै नकारात्मक छन् । यद्यपि, मूल्यवृद्धि, सामाजिक समस्यालगायत विषयमा सिंगो समाज विद्यार्थी संगठनहरूले उठान गर्ने आन्दोलनमा निर्भर रहेकाले तिनै विद्यार्थी संगठनहरू संलग्न हुने निर्वाचनलाई मिनी निर्वाचनका रूपमा समेत लिइन्छ । स्ववियुमा दलहरूसम्बद्ध संगठनले प्राप्त गर्ने मतलाई आमनिर्वाचनमा दलहरूले पाउने मतको सर्वेक्षण मतदानसमेत मान्ने गरिन्छ । संविधानसभा भाग दुईको निर्वाचनको एजेन्डावरिपरि देशको राजनीति गाँठो परेका बेला हुन लागेको स्ववियु चुनावमा केन्दि्रत भएर देशका दुई प्रभावशाली वामपन्थी विद्यार्थी संगठनका नेतासँग कुरा गरेर चुनावबारे उनीहरूको नाडी छाम्ने प्रयत्न गर्दा उनीहरू आफैं स्ववियुको औचित्यबारे रक्षात्मक रहेको देखिन्छ ।
 
  लेख/रचना
विश्वव्यापी रूपमा भइरहेको आर्थिक तथा सामाजिक प्रगतिको तथ्यांकहरूसहितको प्रतिवेदन समय-समयमा विश्व बैंक, आइएमएफ, एसियाली विकास बैंक आदिले प्रकाशित गरिरहेका हुन्छन् । ती प्रतिवेदनमा दक्षिण एसियालाई एउटा निश्चितत समूहमा राख्ने गरेको पाइन्छ । ०४६ को हाराहारीसम्म नेपालको विकास गति दक्षिण एसियाको औसत गतिभन्दा कम थिएन तर अहिले यो स्थिति छैन । हामी भारत, पाकिस्तान, बंगलादेश, श्रीलंका, भुटान र माल्दिभ्सभन्दा निकै पछि परिसकेका छौँ । ०४६ सालमा बहुदलीय व्यवस्थाको स्थापना भएपछि जनताले मुलुकको गतिमा सुधार भई थाइल्यान्ड, मलेसिया, इन्डोनेसियामा जस्तै प्रगति हुन्छ भन्ने आशा गरेका थिए ।
- सुगतरत्न कंसाकार
राज्यसँग लामो संघर्षपछि चलचित्र वधशाला प्रदर्शनमा आएको छ । शान्तिप्रक्रिया भाँड्छु भनेर आरोप लगाएको भए पनि प्रदर्शन भएको दुई साता पुग्न थाल्यो, खै कतै शान्तिप्रक्रिया भंग गरेको भन्ने कुनै संकेत मिल्दैन र चलचित्र हेरेर कसैले उद्दण्डता प्रदर्शन गरेको भन्ने पनि हालसम्म सुन्नमा आएको छैन । वधशालालाई सहज ढंगले स्वीकार्न समाज तयार भइसक्दा पनि राज्यशक्ति अझै तयार किन नभइसकेको होला भन्ने एउटा गहन प्रश्न अगाडि तेर्सिन्छ । के राज्यशक्ति सामाजिक मनोविज्ञानभन्दा संकुचित छ ? के राज्य शक्तिसँग आफ्ना इतिहास स्विकार्न सक्ने सामथ्र्यता छैन ? किन शक्तिकेन्द्रहरू आफूमाथि तेर्सिने प्रश्नका औंला भाँच्न अग्रसर हुन्छ ? अनि किन राज्य सिर्जनासँग डराउँछ ?...
- मनोज पण्डित
घर छाड्दा आमाले भन्नुभएको थियो, स्वास्थ्यको ख्याल राख्नू । बाहिर गएपछि आफ्नो भन्ने कोही हुन्न । बिरामी पर्दा तातोपानी खुवाउनेसम्म कोही भेटिन्न । त्यसैले सबैभन्दा बढी महव स्वास्थ्यलाई दिनू । त्यसैले आएको दिनदेखि कतै बिरामी परिएला कि भन्ने साह्रै डर लागिरहन्थ्यो । यहाँ सबैका लागि स्वास्थ्य बिमा अनिवार्य गराइएकाले मैले पनि सोहीअनुसार गराएको थिएँ । बिमाले व्यहोर्ने भएकाले खर्चको डर थिएन तर चिसो मौसमका कारण बिरामी परिने साह्रै पीर परिरहन्थ्यो । हिउँ पर्ने ठाउँमा कहिल्यै हिउँद काट्नु नपरेकोले पनि पहिलो हिउँदमा के कस्तो हुने हो भन्ने डर लागिरहन्थ्यो । देख्दा रहरलाग्दो सेतो देखिने हिउँले कहिलेकाहीँ भने हातगोडै चल्न बन्द हुनेगरी चिस्याउँथ्यो । माइनस २२ डिग्रीसम्म जाडो हुने सुन्नेबित्तिकै थुक्दा थुकै जम्ने जस्तै भएको थियो । माइनस १० सम्मको जाडोमा बाहिर हिँडियो पनि तर थुकचाहिँ कहिल्यै जमेन । बाक्ला लुगा लगाउँदा खासै जाडोको अनुभूति नै हुँदैनथ्यो । अनुहारमा भने चिसो हावाले हानिरहन्थ्यो ।
रमण पनेरु
पहिले राजनीति सिद्धान्तको आदर्शले प्रेरित थियो । तर, आजकल त्यस्तो अवस्था रहेन । पहिले आदर्श र सिद्धान्त आदानप्रदान हुन्थ्यो । तर, आजकल त मनी र मसल मात्र आदानप्रदान हुन थालेको छ । त्यो बेला कम्युनिस्ट पार्टीको व्यवहार समान थियो तर आजकल व्यवहारमा समानता छैन । गुटगत व्यवहार बढी भेटिन्छ । व्यवहारमा सान र मानको घमण्ड पाइन्छ । एमाले घट्दो पार्टी हो । किनकि यसमा सीमित नेताको सिन्डिकेट छ । जहिल्यै केन्द्रीयतावादी सोच हावी बनाएर राख्छ एमाले । जब ०४६ सालको जनआन्दोलनपछि माले र माक्र्सवादीको एकता भएर एमाले भयो, त्यहीबेलादेखि विकृति सुरु भएको हो । जनआन्दोलनपछि पार्टी सरकारमा गयो । भूमिगत जीवन समाप्त भयो । ०५४ मा गुटबन्दीले पार्टी विभाजन गरायो ।
भूराज राई (केन्द्रीय सदस्य, संघीय समाजवादì
हेगेलको नकारात्मक आलोचना हाम्रालागि सकारात्मक बन्न गयो भनी माक्र्सले एक ठाउँ लेख्नुभएको छ । विद्वान् पाठकहरुलाई लाग्न सक्छ कि आलोचना सधैँ नकारात्मक नै त हुन्छ नि ! तर कुरा सधैँ त्यस्तो हुँदैन । जिन्दगीको गोरेटो सधैँ सिधै मात्रै अघि बढ्दैन । जिन्दगीको गोरेटो कहिले भुलिने, कहिले हराइने र कहिले अल्मलिने हुन्छ । माक्र्स हेगेलको आलोचना गर्दै दर्शनको घनघोर जंगलमा पस्नुभयो । उहाँको यात्राको गोरेटो आलोचनै आलोचनाले भरिएको थियो । उहाँलाई हेगेलको भाववादी दर्शनको लहराहरुले कहिल्यै अल्झाएनन् । हेगेलको आलोचना गर्दागर्दै द्वन्द्वात्मक भौतिकवादको विकास गर्नुभयो । विश्वभरिकै मजदुरहरुले उहाँलाई मानवजातिको मुक्तिको सिद्धान्तका कोलम्बर ठाने ।
सालिकराम तिमल्सेना
 
  मेरो कथा, मेरो व्यथा
ढोंगीहरूको संसार न हो । धर्मकर्म मान्दिनँ भन्ने कथित क्रान्तिकारी पार्टीका अध्यक्ष प्रचण्डले मध्यराति कालिबाबा भेटेको र सुनसरीको चतरा पुगेर भैँसी पुजेको खबर अलिक पुरानो भइसक्यो । उनै प्रचण्डका पाइला पछ्याउँदै सुजाता कोइरालाले समेत चतरा पुगेर भैँसी पुजिन् र साढे साती ग्रहदशा शान्त गराइन् । अशिक्षितहरूको त कुरै छाडौँ, अहिले शिक्षितहरूसमेत अदृश्य शक्तिको उपासनामा लागेका छन् ।

मान्छे कोही भगवान् हुन सक्छ वा मान्छेलाई मान्छेले नै भगवान् बनाउँछ । आस्तिकहरूमा एउटा भ्रम छ, ईश्वर छ भन्ने र नास्तिकहरू पनि भ्रममा छन् ईश्वर छैन भन्ने । ईश्वरबारे आजसम्म कसैले बताउन सकेको छैन । त्यो कहानी उही मानुषीको कमलो मन यतैतिर फर्किएको त्रिवि कीर्तिपुरको हो । त्रिवि होस्टलमा बसेर अहिले अर्थशास्त्रमा स्नातकोत्तर गर्दै गरेकी एक छात्रा एउटा अदृश्य शक्तिको उपासनामा लागेकी छन् । बारम्बार भन्छिन्, सत्यको पछाडि लाग, हाम्रो भगवान्ले भन्नुहुन्छ । मेरो यो कुरा सुन्दा कलेज परिसरका संगीहरू हाँस्छन् र खिसीटिउरी गर्छन् । तैपनि, जगत्को रीत हो, सत्यको एक दिन अवश्य जित हुन्छ ।

सरस्वती अधिकारी, कीर्तिपुर
नेपाल्ाी एयरपोर्टबाट दैनिक बिदेसिने युवाहरूको संख्या झन्डै १५ सय बढी रहेको वैदेशिक रोजगार व्यवसायी महासंघका अध्यक्ष बलबहादुर तामाङ सुनाउँछन् । के दक्ष, के अर्धदक्ष, के अदक्ष ? प्रतिभा पलायनको अवस्था उस्तै भयावह छ तर कुनै पनि सरकारी अड्डामा बौद्धिक जनशक्ति पलायनको तथ्यांक छैन । कामको खोजीमा युवा बिदेसिँदा घरमा रहेका तिनका 'जहानले खेताला खोज्ने' समस्याले पिरोलिरहेको छ । श्रीमान् परदेसिँदा श्रीमतीहरूले खेतालो खोज्ने प्रवृत्तिको प्रतिनिधि घटना मात्रै हो यो । आँखा एकातिर भएर के गर्नु, मन अर्कैतिर भएपछि ! अक्सर महिला एक जनासँग कुराकानी गरिरहँदा दोस्रोलाई हाउभाउ कटाक्षको साथमा हेरिरहेकी हुन्छे र तेस्रो कसैको बारेमा सोचिरहेकी हुन्छे । स्त्रीले साथ दिने घरसम्म मात्र हो, पुत्र र पुरुषको साथ घाटसम्म हुन्छ । तर, केही यस्ता महिला पनि हुन्छन्, जसले जीवनभर साथ दिन्छु भनेर घरसम्मको पनि साथ दिँदैनन् । आधा जिन्दगीमै अचाक्ली व्यथा दिने यो एक महिलाको कहानी हो । पुरुषपीडित महिलाको संख्या जसरी चुलिँदै गएको छ उही अनुपातमा महिलापीडित पुरुषको संख्या पनि बढिरहेकै छ ।...